نواز شریف بھی جلد جیل میں ہونگے،فواد چوہدری

  جہلم ...وفاقی وز یر اطلاعات فواد چوہدری نے کہا ہے کہ شہباز شریف کو اس لئے پبلک اکاونٹس کمیٹی کا چیئرمین بنایاجا رہا ہے کہ پوزیشن قومی اسمبلی کی کارروائی نہیں چلنے دے رہی۔چیئرمین پبلک اکاونٹس کے معاملے پر شہباز شریف اور ن لیگ نے بلیک میل کیا ۔ن لیگی رہنما اس لئے چیخ رہے ہےں کہ ا نہیں پتہ ہے کہ اگلی باری ان کی ہے۔ فلیگ شپ ریفرنس آخری مرحلے میں ہے جلد نوا زشریف جیل میں ہوں گے ۔ جمعہ کو میڈیا سے گفتگو کرتے ہوئے انہوں نے کہ اپوزیشن غیر جمہوری ہتھکنڈے استعمال کر رہی ہے۔ ان کی کوشش ہے کہ دباو ڈال کر این آر او حاصل کیا جائے اور مقدمات سے جان چھڑوائی جائے۔ اپو زیشن کے روز روز رونے دھونے سے اسمبلی کا وقار مجروح ہو رہا ہے ۔ سابق حکومت نے سرکاری اداروں کا بیڑہ غرق کر دیا ۔کوئی محکمہ ایسا نہیں جس پر نواز شرےف اینڈ کمپنی نے ہاتھ رکھا ہوا اور وہ تباہ نہ ہوا ہو۔ قومی اسمبلی نیب کے ملزمان کا اکھاڑہ بن چکی ۔ نوا زشریف اور آصف زرداری کرپشن چھپانے کے لئے گرج برس رہے ہیں۔ ان کا مقصد اس کے سوا کچھ نہیں کہ جو پیسے انہوں نے کمائے انہیں محفوظ کرسکیں ۔ وہ حکومت اور نیب پر گرج برس کر این آر او حاصل کرنا چاہتے ہیں۔ فواد چوہدری نے کہا کہ نیب چیئر مین سے لے کر چپڑاسی نوا زحکومت کے دور مےں بھرتی کئے گئے۔ رانا ثناءاللہ کو پہلے ماڈل ٹاون واقعہ میں گرفتار ہونا چاہئے۔ مجھے امید ہے کہ انصاف ہو گا۔