این آئی سی ایل کرپشن ریفرنس، 6ملزمان کو 7،7 سال قید
کراچی...کراچی کی احتساب عدالت نے این آئی سی ایل کرپشن ریفرنس میں سابق چیئرمین ایاز خان نیازی سمیت 6 افراد کو 7، 7 سال قید کی سزا سنا دی ۔کراچی کی احتساب عدالت میں سماعت ہوئی۔ سابق چیئرمین این آئی سی ایل ایازخان نیازی و دیگر ملزمان عدالت میں پیش ہوئے۔ تمام ملزمان کو آئندہ 10 سال تک کسی بھی عوامی عہدے کیلئے نااہل قرار دے دیا گیا ۔ پولیس نے ایاز خان نیازی سمیت دیگر کو تحویل میں لیکر جیل منتقل کردیا ۔واضح رہے کہ این آئی سی ایل کرپشن ریفرنس میں نیب نے موقف اپنایا تھا کہ ملزمان نے کراچی کے علاقے کورنگی میں زمینوں کی خرید و فروخت میں کرپشن کی۔جس سے قومی خزانے کو 49 کروڑ روپے کا نقصان پہنچا۔نیب کی جانب سے ریفرنس میں این آئی سی ایل کے سابق سربراہ ایاز خان نیازی، سلمان غنی، قاسم دادا بھائی اور پیپلز پارٹی کے رہنما مخدوم امین فہیم سمیت دیگر ملزمان کو نامزد کیا گیا تھا۔ ریفرنس میں 2 ملزمان پلی بارگین کر چکے ہیں۔
