گردن کی خوبصورتی اور نکھار

گردن تمام دن مختلف زاویوں سے حرکت میں رہتی ہے  اور موسم کی شدت سے باآسانی متاثر ہوتی ہے  .  ہم چہرے کی جلد کی جانب بہت توجہ دیتے ہیں لیکن گردن کو نظر انداز کردیتے ہیں . اس بات پر توجہ نہیں دیتے کہ آخر گردن کی جلد اتنی کھردری کیوں محسوس ہو رہی ہے اور اسکےروکھے پن سے کیسے چھٹکارا پایا جائے  ؟  گردن کی جلد بھی  ہمارے ہاتھوں اور چہرے کی طرح بیرونی موسمی عوامل سے براہ راست متاثر  ہوتی ہے  .  اس لیے گردن کی رنگت نکھارنے کے لیے خاص توجہ  ضروری ہے .  گھرمیں استعمال ہونے والے روزمرہ غذائی اجزاء  کے ذریعے گردن کی صفائی کا مقصد پورا کیا جاسکتا ہے .  مثلاً 

کچا دودھ  ، تازہ لیموں کا رس  اور تھوڑا سا آٹا باہم ملا لیں  . اس آمیزے کو گردن پر لگائیں  . دس سے پندرہ منٹ بعد نیم گرم پانی سے صاف کرلیں  . اس آمیزے میں معمولی مقدار  ہلدی بھی استعمال کی جا سکتی ہے . 

دہی اور بیسن کو ملا کر بھی گردن پر لیپ کیا جاسکتا ہے  . اس سے گردن کی صفائی بہترین ہوتی ہے.

گلیسرین ، پانی اور لیموں  روئی کی مدد سے گردن پر لگائیں  . رات بھر لگا رہنے دیں  . صبح دھو کر نیم گرم تولیے سے گردن کی سینکائی کریں . 

دودھ میں چٹکی بھر نمک ملائیں  . اس دودھ سے گردن دھوئیں . گردن کی رنگت نکھر جائے گی . 

ہفتے میں ایک دن گردن پر کلینزنگ ضرور کریں تاکہ گرد و غبار اور مردہ خلیات  صاف کیے جا سکیں . 

یہ بھی پڑھیں:جھریوں سے جلد کی حفاظت