حوثیوں سے عرب اتحاد کی انسانیت نوازی

ریاض .... عرب اتحاد کے ترجمان کرنل ترکی المالکی نے بتایا ہے کہ عرب اتحاد نے اقوام متحدہ کے ایلچی برائے یمن کی درخواست پر 50زخمی حوثیوں کو انسانی بنیادوں پر مسقط بھیجنے کی سہولت فراہم کردی۔ یہ سہولت اقوام متحدہ کے زیر اہتمام سویڈن مذاکرات کے ضمن میں مہیا کی گئی۔ المالکی نے بتایا کہ اقوام متحدہ کے ماتحت ایک کمرشل طیارہ حوثی زخمی جنگجوﺅں کو صنعاءسے مسقط لیجانے کیلئے پہنچے گا۔ 50زخمیوں کے ہمراہ 3 یمنی ڈاکٹر اور ایک اقوام متحدہ کا ڈاکٹر ہوگا۔