مثبت طرززندگی اپنائیں ڈپریشن سے جان چھڑائیں

اگرآپ ڈپریشن کا شکار ہیں  اور اس پریشانی سے نکلنے کے طریقے ڈھونڈ رہے ہیں تو  چند مثبت سرگرمیاں اپنا لیں .  صبح سویرے اٹھ کر ورزش کریں .  اس کے ساتھ یوگا اور مراقبے کو بھی شامل کر لیں   اسطرح آپ کا جسم زیادہ آکسیجن جذب کرتا ہے   .  جس کے نتیجے میں  دماغ ڈپریشن پیدا کرنے والے ہارمون ریلیز کرنا کم کردیتا ہے اور تازگی کا احساس فراہم کرتا ہے .  ڈپریشن دور کرنے کا ایک طریقہ اور  یہ ہے کہ آپ لکھنا شروع کریں  . اپنی اداسی اور بے چینی کی کیفیت  اور اپنے احساسات و جذبات کو   قلمبند کرنا شروع کریں  . جو محسوس کرتے ہیں لکھتے چلے جائیں  . یہ آپ کے جذبات اور بے چینی  ختم کرنے کاموثر طریقہ ہے  . یہ عمل ذہنی تناؤ اور کشیدگی  کو کم کرنے کا  بہترین ذریعہ ہے .   پانی کی کمی بھی  بے چینی  اور گھبراہٹ کی کیفیت میں اضافہ کرتی ہے  اس لیے آپ جب بھی بے چینی ، اضطراب یا گھبراہٹ محسوس کریں  توایک گلاس پانی پیئیں .  آپ طبیعت میں قدرے بہتری محسوس کریں گے .  ایک بات کا اور خیال رکھیں  کہ ڈپریشن کی حالت میں کیفین سے گریز کریں  .  کیفین کا استعمال بے چینی اور گھبراہٹ کی کیفیت میں مزید اضافہ کرتا ہے .   لہذا کافی پینے سے گریز کریں  اور کوشش کریں  کہ کہیں باہر  ٹہلنے کے لیے نکل جائیں .  ڈپریشن دور کرنے کے لیے خوشبو کا استعمال بھی ایک بہترین آپشن ہے .  خوشبو ذہنی انتشار کو کم کرتی ہے اور موڈ کو خوشگوار بناتی ہے  . ڈپریشن میں کچھ اچھا ، مزیدار   اور لذت بھرا کھاناکھائیں  جو طبیعت پر اچھا اثر ڈالے  . شوگر لیول کا کم ہونا گھبراہٹ اور بے چینی میں مزید اضافہ کرتا ہے  لہذا ایسا  کھانا کھائیں جو ذائقہ  بخش بھی ہو اور ہاضم بھی .  ایک اور اہم کام یہ کریں  کہ موبائل فون کو خود سے دور کردیں  اور دیگر سرگرمیوں جیسا کہ  مصوری ، خطاطی ، چہل قدمی  یا گپ شپ  میں خود کو مصروف کرنے کی کوشش کریں .  یہ تمام چیزیں آپ کے مزاج پر مثبت اور دیرپا اثرات مرتب کریں گی .