صنعاء ۔۔۔حوثیوں کی حکومت میں پیشہ وارانہ تعلیم اور تکنیکی تربیت کے وزیر محسن النقیب نے باغیوں سے منحرف ہونے کا اعلان کر دیا۔اس صورتحال نے حوثیوں کے حلقوں میں تشویش کی لہر دوڑا دی ۔ الحدیدہ میں پے درپے شکست سے ان کے حوصلے پہلے ہی ٹوٹے ہوئے تھے ۔ اس طرح کی خبروں نے انہیں مزید الجھا دیا۔النقیب نے حوثیوں سے منحرف ہونے کا اعلان سعودی عرب پہنچنے کے بعد کیا۔ انہوں نے یہ بھی دعویٰ کیا کہ حوثیوں کے ساتھ کام کے دوران ان کی اسکیموں میں وہ روڑے اٹکاتے رہتے تھے۔ایک اطلاع یہ ہے کہ حوثیوں کی حکومت میں نوجوانوں اور کھیلوں کے وزیر بھی حوثیوں سے منحرف ہو گئے ہیں ۔
