ایم کیو ایم فاروق ستار کیخلاف ایکش لے گی؟

کراچی... ایم کیو ایم کے رہنما کنور نوید جمیل نے کہا ہے کہ پارٹی مخالف بیانات دینے پر فاروق ستار کے خلاف ایکشن لیں گے۔ میڈیا سے گفتگو کرتے ہوئے انہوں نے کہا کہ فاروق ستار کے خلاف تنظیم ایکشن لینے جا رہی ہے ۔ان کے بیانات تنظیم کو نقصان پہنچا رہے ہیں۔انہیں ماضی میں بھی کنو ینرشپ سے نکالا گیا ۔انہوںنے کہا کہ مجھے اس بات کا خدشہ ہے کہ فاروق ستار آئندہ برسوں میں ایم کیو ایم کا حصہ نہیں ہونگے۔ انہوں نے کراچی سے دونوں حلقوں سے خود الیکشن فارم جمع کرائے اور دونوں نشستوں سے ہارگئے۔ ان کے ساتھ جو لوگ چل رہے ہیں ان کا ایم کیو ایم سے چلے جانا ہی بہتر ہے۔ایم کیو ایم کے متعدد رہنماں کے خلاف منی لانڈرنگ ثبوت ملنے سے متعلق کنور نوید جمیل نے کہا کہ 20 سال سے ٹیکس ادا کررہا ہوں۔ سارا ریکارڈ حکومت کے پاس موجود ہے۔ انہوں نے مزید کہا کہ ہم نہیں چاہتے تھے کہ کراچی اپوزیشن میں رہے اس لئے پی ٹی آئی سے اتحاد کیا۔ نئی ایم کیو ایم بکھر نہیں نکھررہی ہے۔