اسٹیل مل اور پی آئی اے کی نجکاری نہیں ہوگی

اسلام آباد ... وفاقی وزیر اطلاعات فواد چوہدری نے کہا ہے کہ کابینہ اجلاس میںوزیراعظم کے دورہ چین کے حوالے سے بھی بات چیت ہوئی ۔ وزیراعظم کے دورہ چین میں ٹیکنالوجی ٹرانسفرپرزوردیاجائے گا ۔ اجلاس میں نجکاری کے حوالے سے بھی معاملات زیربحث آئے۔ پی آئی اے اور اسٹیل ملز کی نجکاری روکنے کا فیصلہ کیا گیاہے ۔ان دونوں اداروں کی تنظیم نو کریں گے۔ وزیر اطلاعات نے کہا کہ ایس ای ایم ای بنک ، فرسٹ وویمن بنک، بلوکی پاورپلانٹ، حویلی بہادر پلانٹ، لاکھڑا کول ، جناح کنونشن سنٹر، سروسز انٹرنیشنل ہوٹل لاہور اور ماڑی پٹرولیم لمیٹڈ کی نجکاری کی جائے۔