زرداری کی حکومت کو مل کر کام کرنے کی مشروط پیشکش

اسلام آباد:  پیپلزپارٹی کے شریک چیئرمین اور سابق صدر آصف زرداری نے پی ٹی آئی حکومت کو ساتھ مل کر کام کرنے کی پیشکش کردی ذرائع کے مطابق قومی اسمبلی میں اظہار خیال کرتے ہوئے آصف زرداری نے کہا کہ ہم حکومت کے ساتھ کام کرنے کو تیار ہیں۔ 5 سال کے دوران ہم حکومت کے ساتھ تعاون کریں گے لیکن شرط یہ ہے کہ جوکام کا پیمانہ ہووہ صرف انصاف پرمبنی ہو۔

آصف علی زرداری نے کہا کہ ہم ایک دوسرے کو نیچا دکھانے کی کوشش کرتے ہیں۔ جمہوریت میں کمزوریاں ضرورہیں، سب بیٹھ کرایک حل تجویزکریں جس سے ہم پاکستان کومسائل سے نکال سکیں، اگرہم توجہ نہیں دیں گے تومسائل بڑھتے جائیں گے ۔

آصف زرداری نے کہا کہ پانی کا مسئلہ بنیادی طور پر انسانی حقوق کا معاملہ ہے۔ کراچی کی آبادی 3 کروڑ ہے ، جس میں ایک کروڑ بہاری، بنگالی اور خیبر پختونخوا سے آنے والے دوست ہیں۔ آصف زرداری نے کہا کہ پیپلزپارٹی کی حکومت آئی تو گندم اور چینی درآمد کی جارہی تھی۔ ہم نے سندھ میں دراوڑ ڈیم بنایا۔ ایک ایکڑ پر تقریباً ایک لاکھ 24 ہزار گیلن پانی ہر فصل کو دیتے ہیں۔ اگر اتنا پانی فصل کو دیا جاتا ہے تو کتنا پانی بچایا جاسکتا ہے ۔