کوہستان کے قریب وین کھائی میں جا گری،17ہلاک

مانسہرہ ...کوہستان کے قریب اتوار کو رات گئے شاہراہ قراقرم پرمسافر وین کھائی میں جاگری۔خواتین اور بچوں سمیت 17 افراد جاں بحق ہوگئے ۔ ایک خاتون معجزانہ طور پر محفوظ رہی۔ دشوار راستوں کی وجہ سے امدادی کارروائیوں میں مشکلات کا سامنا ہے۔ ابتدائی اطلاعات کے مطابق تنگ راستے اور اندھیرے کے باعث مسافروں سے بھری وین ڈرائیور کے قابو سے باہر ہوگئی اور توازان برقرار نہ رکھ سکی۔ ذرائع کے مطابق مسافر وین غذر سے راولپنڈی جا رہی تھی۔