ن لیگ کا مشاورتی اجلاس،اہم فیصلے

 لاہور... سابق وزیر اعظم اورمسلم لیگ (ن) کے قائد محمد نواز شریف کی زیر صدارت پارٹی رہنماوں کا غیر رسمی مشاورتی اجلاس جاتی امراءرائے ونڈ میں ہوا ۔ ملک کی مجموعی سیاسی صورتحال، شہباز شریف کی گرفتاری اور اپوزیشن جماعتوں کی اے پی سی میں شرکت کے حوالے سے غور کیا گیا ۔ اہم فیصلے کرلئے ۔اجلاس میں خواجہ محمد آصف، احسن اقبال،خواجہ سعد رفیق،پرویز رشید ، حمزہ شہبازاورکیپٹن (ر) محمد صفدرنے شرکت کی ۔ ذرائع کے مطابق قانونی ماہرین کی ٹیم نے بھی نواز شریف اور حمزہ شہباز سے ملاقات کر کے مختلف قانونی پہلووں پر بریفنگ دی ۔