اینڈرائیڈ اوریو گو ایڈیشن کے ساتھ مائیکرومیکس اسپارک گو اسمارٹ فون لانچ‎

مائیکرومیکس کمپنی کی جانب سے اینڈرائیڈ اوریو گو ایڈیشن رکھنے والا نیا اسمارٹ فون اسپارک گو متعارف کرا دیا گیا ہے۔فون میں 5 انچ ڈسپلے ، اسپریڈ ٹرم پروسیسر ، 1 جی بی ریم اور 8 جی بی اسٹوریج دیا گیا ہے۔ اسٹوریج کو مائیکرو ایس ڈی کارڈ کی مدد سے 32 جی بی تک بڑھانے کی سہولت موجود ہے۔ اسمارٹ فون کی پشت پر 5 میگا پکسل کا کیمرہ اور فرنٹ پر 2 میگا پکسل کا کیمرہ دیا گیا ہے۔ فرنٹ اور بیک کیمرے میں فلیش کو بھی شامل کیا گیا ہے۔فون کی بیٹری 2000 ملی ایمپیئر آورز کی ہے۔ کمپنی نے فون میں فورجی سپورٹ کو بھی شامل کیا ہے ۔ اسمارٹ فون کی قیمت صرف 3999 ہندوستانی روپے ہے اور اسے 26 اکتوبر سے سلور اور روز کلر میں فروخت کے لیے پیش کیا جائے گا۔