سکھر: وفاقی وزیر ریلوے شیخ رشید نے سکھر سے 2 نئی مسافر ٹرینوں کا افتتاح کردیا۔ ذرائع کے مطابق سکھر ریلوے اسٹیشن پر موئن جو دڑو فاسٹ پیسنجر ٹرین اور روہی پیسنجر ٹرین کا افتتاح کیا۔ گیا۔تفصیلات کے مطابق 213اپ اور 214 ڈاؤن موئن جو دڑو فاسٹ پیسنجر ٹرین سکھر سے کوٹری اسٹیشن تک چلائی جائے گی جبکہ 215 اپ اور 216 ڈاؤن روہی پیسنجر ٹرین سکھر سے پنجاب کے علاقے خانپور تک چلے گی۔اس موقع پر وفاقی وزیر نے میڈیا سے گفتگو کرتے ہوئے کہا کہ ریلوے میں مال بردار ٹرینوں کا اضافہ کیا جائے گا۔ پاکستان ریلوے کا سی پیک میں اہم کردار ہو گا۔ شیخ رشید نے کہا کہ جتنی غربت سکھر میں دیکھی کہیں نہیں دیکھی۔ بڑے لوگوں کے جیل جانے تک کرپشن ختم نہیں ہوگی۔ سندھ کے لوگوں کے لیے جلد مزید ٹرینیں چلائیں گے جبکہ کراچی سے حیدرآباد تک شٹل ٹرین چلائی جائے گی۔
