کوئی روئے یاپیٹے، احتساب ہوکررہے گا ،فواد چوہدری

اسلام آباد....وفاقی وزیر اطلاعات فواد چوہدری نے کہاہے کہ اب میٹھا میٹھا نہیں چلے گا ۔کوئی روئے پیٹے احتساب تو ہو کر رہے گا۔ہمارے اپنے لوگوں پرنیب کے مقدمات ہیں، ہم تونہیں رورہے۔سیف الرحمان کوچیئرمین نیب بنانے والے ہمیں سبق پڑھارہے ہیں۔عوام احتساب چاہتے ہیں۔ اگر نیب وزیر اعظم کے نیچے ہوتا تو یہ لوگ یہاں نہ ہوتے بلکہ ججوں کے پاس عدالتوں میں جاکر ریمانڈ بھگت رہے ہوتے۔ چوروں اور ڈاکوﺅں کو پکڑنے کی بات کرتے ہیں تو اپوزیشن بہانہ بنا کر واک آﺅٹ کرجاتی ہے۔ اسلام آباد میں میڈیا سے گفتگو کرتے ہوئے فواد چوہدری نے کہا کہچوروں اور ڈاکوﺅں کو پکڑیں گے۔ جب چوروں اور ڈاکوﺅں کو پکڑنے کی بات کی جاتی ہے۔ اپوزیشن واک آﺅٹ کرجاتی ہے۔انہوں نے کہا کہ ملک کو مقروض کردیا گیا۔ کوئی ایسا محکمہ نہیں جو ان کی دست برد سے محفوظ رہاہے۔ انہوں نے کہا کہ ججوں کوفون کرکے کہنے والے کہ فلاں کو اتنی سزا دیدو، فلاں کو اتنی سزا دیدو ، وہ کہہ رہے ہیں کہ سیاسی انتقام کا نشانہ بنایا جارہاہے ۔ انہوں نے کہا کہ کوئی روئے پیٹے کارروائی ضرورہوگی ، میٹھا میٹھا نہیں چلے گا ۔عوام نے تحریک انصاف کو اس لئے ووٹ دیا ہے کہ احتساب برابر ہوگا ۔ حکومت کا شہبازشریف کی گرفتاری سے کوئی تعلق نہیں ۔ شہبازشریف پر مقدمہ نوازشریف کی حکومت میں بناتھا ۔ اس طریقے سے باقی لوگ بھی اندر جائیں گے ۔ فالودے والے کے اکاﺅنٹس سے اربوں روپیہ نکل آیا۔عوام کونہیں پتہ یہ کیا ہورہا ہے ؟ یہ منی لانڈرنگ ہورہی ہے ۔ کنٹینر سے اتریں گے بھی نہیں۔ تحریک انصاف ایک انقلابی پارٹی ہے اور انقلابی پارٹی رہے گی ، آپ شکر کریں کہ کچھ دن اور آپ کا دال دلیا چل رہا ہے ۔انہوں نے کہا کہ اگر نیب وزیر اعظم کے نیچے ہوتا تو یہ لوگ یہاں نہ ہوتے بلکہ ججوں کے پاس عدالتوں میں جاکر ریمانڈ بھگت رہے ہوتے ۔ انہوں نے کہا کہ وزیر اعظم عمران خان نیب کو ڈکٹیٹ نہیں کرسکتے ، بطور وزیر اعظم وہ چیئر مین نیب سمیت کسی سے بھی ملاقات کرسکتے ہیں ۔انہوں نے کہا کہ وزیر اعظم کے بیان پر اپوزیشن سیخ پا کیوں ہے ؟ ۔انہوں نے کہا کہ تمام ادارے اپنی حدود میں کام کررہے ہیں۔ اداروں میں اصلاحات کرکے رہیں گے ۔انہوں نے کہا کہ آئین میں لکھاہے کہ لوگ فوج و عدلیہ کی تضحیک نہیں کرسکتے،چندسینیٹرزنے اداروں کےخلاف بولنا اپنی عادت بنالی۔ فوج اورعدلیہ کے بارے میں کوئی غلط بات برداشت نہیں کریں گے۔اپوزیشن کوواک آﺅٹ کرناہے کرے،احتساب کاعمل نہیں رکے گا۔