بیلسٹک میزائل غوری کا کامیاب تجربہ

راو لپنڈی ..پاکستان نےبیلسٹک میزائل غوری کا کامیاب تجربہ کیا ہے۔ 1300 کلومیٹر تک نشانے کو ہدف بنا سکتا ہے ۔روایتی و ایٹمی ہتھیار لے جانے کی صلاحیت ہے۔آئی ایس پی آر کے مطابق میزائل تجربہ آرمی اسٹریٹجک فورسز کمانڈ نے کیا، جس کا مقصد آپریشنل اور تکنیکی تیاریوں کو جانچنا تھا۔کمانڈر آرمی اسٹریٹجک فورسز کمانڈ لیفٹیننٹ جنرل میاں محمد بلال حسین نے میزائل تجربہ کا مشاہدہ کیا۔ اس موقع پر چیئرمین نیسکام ڈاکٹر نبیل حیات ملک اور چیئرمین کے آر ایل طاہر اکرام بھی موجود تھے۔