کراچی: پولیس چوکی پر نامعلوم مسلح افراد کی فائرنگ سے ٹریفک پولیس کا اہل کار جاں بحق ہوگیا۔ ذرائع کے مطابق کراچی کے علاقے احسن آباد میں نامعلوم افراد نے سرعام گولیاں چلا دیں جس کے نتیجے میں پولیس اہلکار نشانہ بن گیا جس کی شناخت رفیق کے نام سے ہوئی۔ مذکورہ اہل کار گلزار ہجری ٹریفک سیکشن میں بطور سب انسپکٹر تعینات تھا۔افسوس ناک واقعے سے متعلق ایس ایس پی ملیر کا کہنا ہے کہ فائرنگ کے وقت سب انسپکٹر کے ساتھ ایک اے ایس آئی بھی موجود تھا جبکہ جائے وقوع سے پولیس نے 16 سے 17 خول بھی تحویل میں لیے ہیں، مقتول کی لاش کو پوسٹ مارٹم کے لیے اسپتال منتقل کردیا گیا ہے ۔دوسری جانب آئی جی سندھ کلیم امام نے ڈی آئی جی ایسٹ اور ڈی آئی جی ٹریفک سے واقعے کی فوری تفصیلی رپورٹ طلب کرتے ہوئے واقعے میں ملوث ملزمان کی جلد سے جلد گرفتاری یقینی بنانے کی ہدایت کی ہے ۔
