آئندہ سال تیل کی قیمتوں میں اضافے کا امکان

لندن... ماہرین کا کہناہے کہ امریکی پابندیوں کی وجہ سے آئندہ سال عالمی مارکیٹ میں خام تیل کی قیمتوں میں اضافے کا امکان ہے۔ 50 اقتصادی ماہرین سے کئے جانے والے سروے کے مطابق رواں سال کے دوران برنٹ نارتھ سی کروڈ کے اوسط نرخ 73.48 ڈالر فی بیرل رہنے کی توقع ہے جو اگست کے دوران جاری کئے گئے پیشگی تخمینہ سے زیادہ ہے۔ واضح رہے کہ اگست میں برنٹ نارتھ سی کروڈ کے اوسط نرخ 72.71 ڈالر فی بیرل رہنے کا امکان ظاہر کیا گیا تھا۔