ایک سال میں سعودیوں کیلئے امریکہ کے 78ہزار ویزے
ریاض ... امریکہ کے معاون وزیر خارجہ برائے قونصل امور گارل رچ نے بتایا ہے کہ اکتوبر 2016ءسے لیکر 30ستمبر 2017ءتک امریکی سفارتخانوں نے سعودیوں کو 77 ہزار910ویزے جاری کئے۔ یہ ویزے سعودی طلباءاور عارضی روزگار حاصل کرنے والوں کو دیئے گئے۔ سیاحتی ویزے اس میں شامل نہیں۔ ریاض، جدہ اور ظہران میں امریکی قونصل خانوں اور سفارتخانوں نے تمام ممالک کے باشندوں کو ایک لاکھ60ہزار933ویزے جاری کئے۔ ان میں 70فیصد ویزے سعودیوں نے لئے۔