وزیر مملکت مراد سعید کا قلمدان تبدیل
اسلام آباد...وزیراعظم عمران خان نے وزیر مملکت برائے سیفران مراد سعید کا قلمدان تبدیل کرکے انہیں وزیر مملکت برائے مواصلات تعینات کردیا۔ باضابطہ نوٹیفکیشن کابینہ ڈویژن نے جاری کردیا ۔ عمران خان نے سعودی عرب کے دورے پر روانگی سے قبل مراد سعید کی وزارت کا قلمدان تبدیل کیا۔گزشتہ روزوزیر مملکت کا حلف اٹھانے والے علی محمد خان کو پارلیمانی امور کا قلمدان ملا ہے۔ پارلیمانی امور کا محکمہ پہلے سینیٹر بابر اعوان کے پاس تھا۔ نندی پور پاور پراجیکٹ میں نیب ریفرنس دائر ہونے کے بعد بابر اعوان مشیر کے عہدے سے مستعفی ہوگئے تھے۔
