عمران خان عرب امارات کا بھی دورہ کریں گے

اسلام آباد ... وزیر اعظم عمران خان سعودی عرب کے پہلے سرکاری دورے سے واپسی پر متحدہ عرب امارات بھی جائیں گے۔ وفاقی وزیرخزانہ اسد عمر،وزیر خارجہ شاہ محمود اور مشیر تجارت وزیر اعظم کے ہمراہ ہونگے۔ ترجمان کے مطابق عمران خان منگل کو سعودی عرب پہنچیں گے۔ وزیر اعظم بدھ19ستمبر کی شام سعودی عرب سے وفد کے ہمراہ ابو ظبی جائیں گے۔ متحدہ عرب امارات کے ولی عہد خیر مقدم کریں گے۔ وزیر اعظم امارات کے ولی عہد کی دعوت پر دورہ کر رہے ہیں۔