جنوبی کوریائی صدر شمالی کوریا کا دورہ کرینگے
سیول... جنوبی کوریائی صدر مون جے اِن آئندہ ہفتے پیانگ یانگ میں شمالی کوریائی رہنما کم جونگ اَن سے ملاقات کریں گے۔ جنوبی کوریا کے سفارتی ذرائع کے مطابق اس ملاقات میں کوشش کی جائے گی کہ امریکہ اور شمالی کوریا کے مابین جوہری مذاکرات میں پائے جانے والے تعطّل کو ختم کیا جائے۔ مون جے اِن کے دورہ شمالی کوریا کے بارے میں تفصیلات ابھی عام نہیں کی گئیں۔ حالیہ عرصے میں ان دونوں رہنماﺅں کی اس تیسری سربراہ ملاقات میں خطے کو جوہری ہتھیاروں سے پاک بنانے کے موضوع پر بھی گفتگو ہو گی۔
