امریکہ نے پاکستان کو کیا پیغام دیا؟

اسلام آباد.... امریکی وزیر خارجہ مائیک پومپیو نے کہا ہے کہ معاہدے بہت کر چکے۔ پاکستانی وزیراعظم اور وزیر خارجہ سے عملی اقدامات پر اتفاق ہوا ہے۔عملی اقدامات سے ہی اعتماد بحال ہو گا۔ روانگی سے قبل نور خان ایئر بیس پر گفتگو کرتے ہوئے مائیک پومپیو نے کہا کہ آرمی چیف سے ملاقات میں نئی حکومت کی پالیسیوں سے متعلق بات چیت ہوئی ۔ پاک، امریکہ تعلقات میں بہتری لانے پر بات ہوئی۔ معاشی اور تجارتی شعبوں میں تعلقات مضبوط بنانے پر بھی تبادلہ خیال ہوا۔ انہوں نے کہا کہ پاکستان اور امریکہ کو افغانستان کا پرامن حل تلاش کرنا ہوگا۔ ہمیں آگے بڑھنا ہے۔ ابھی مزید بات چیت کی ضرورت ہے۔امریکی وزیر خارجہ نے کہا کہ واضح پیغام دیا ہے کہ مل کر کام کرے کا وقت ہے۔ ماضی میں بہت معاہدے کر چکے مگر عمل نہیں ہوا۔عملی اقدامات سے ہی دونوں ممالک کے درمیان اعتماد بحال ہوگا۔

مزید پڑھیں:پاک ،امریکہ تعلقات پر جمی برف پگھل گئی