اسلام آباد.... وزیراعظم عمران خان نے تحریک انصاف کے رہنما ڈاکٹر عارف علوی کو صدر پاکستان منتخب ہونے پر مبارکباد دی ہے۔ اپنی ٹویٹ میں انہوں نے کہا کہ ڈاکٹر علوی کو صدر منتخب ہونے پر مبارکباد دیتا ہوں۔ عمران خان نے ٹوئٹر پر ایک تصویر شیئر کرکے پرانی یادیں تازہ کیں جس میں ڈاکٹر عارف علوی جوانی کے دور میں ان کے ساتھ بیٹھے دکھائی دے رہے ہیں۔ تصویر کے ساتھ لکھا تھا کہ جب ہماری دنیا جوان تھی۔
