اسلام آباد.... پاکستان میں منگل کو ہونے والے صدارتی انتخاب کے غیر حتمی نتائج کے مطابق پی ٹی آئی کے امیدوار ڈاکٹر عارف علوی نے کامیابی حاصل کرلی۔ منتخب ہونے والے صدر عارف علوی نے کہا کہ کامیابی پر اللہ کا شکر ادا کرتا ہوں۔وزیراعظم عمران خان کا مشکور ہوں پاکستان کی بہترین کیلئے ہر ممکن اقدامات کرتا رہوں گا۔عمران خان نے مجھے بڑی ذمہ داری دی۔ میں صرف پاکستان کا نہیں پورے ملک کا صدر ہوں۔ جیت کا تاج تحریک انصاف کے سر جاتا ہے۔ میں اپنے ووٹرز کا بھی شکر گزار ہوں۔
