گریٹر نوئیڈا میں مسافروں سے بھری بس الٹ گئی، ایک ہلاک
نئی دہلی - -- - -دہلی سے متصل گریٹر نوئیڈا میں دادری ٹول پلازہ پر ریاستی ٹرانسپورٹ کی بس اچانک ڈرائیور کے قابو سے باہرہوکرسڑک کے کنارے کھیت میں جاکر الٹ گئی۔بس میں 50مسافر سوارتھے جن میں سے 8شدید زخمی ہوگئے۔اطلاع ملتے ہی پولیس اور امدادی ٹیموں نے موقع پر پہنچ کر مسافروں کو بس سے باہر نکالنے کی کارروائی کرتے ہوئے زخمیوں کو اسپتال پہنچایا۔ایک مسافرراستے میں دم توڑ گیا جبکہ دیگر کا علاج جاری ہے۔معمولی طور پر زخمی ہونیوالے مسافروں کو ابتدائی مرہم پٹی کے بعد فارغ کردیا گیا۔ مسافروں نے بتایا کہ ڈرائیور انتہائی تیز رفتاری سے بس چلا رہا تھا اور اچانک اس پر نیند کا غلبہ طاری ہوگیا جس سے حادثہ پیش آیا۔ پولیس نے موقع پر پہنچ کر واقعہ کی تفتیش شروع کر دی ہے۔
