شہزادہ محمد بن سلمان سے آرمی چیف کی ملاقات
اسلام آباد...سعودی ولی عہد شہزادہ محمد بن سلمان سے منیٰ میں آرمی چیف جنرل قمر جاوید باجوہ نے ملاقات کی۔ آئی ایس پی آرکے مطابق شہزادہ محمد بن سلمان نے عشائیے میں آرمی چیف جنرل قمر جاوید باجوہ کو حج کی ادائیگی پر مبارک باد پیش کی۔ دونوں رہنماوں نے علاقائی سلامتی، باہمی دلچسپی کے امورپر تبادلہ خیال کیا ۔ سعودی ولی عہد نے درپیش چیلنجز سے نمٹنے میں پاکستان کی کامیابی کی خواہش کا اظہار کیا ہے۔ آرمی چیف نے پاکستان کے لئے نیک خواہشات کے اظہار اور حمایت پر شکریہ اداکیا۔واضح رہے کہ آرمی چیف حج کی ادائیگی کے لئے سعودی عرب میں ہیں۔
