کسی سرکاری ملازم کو نہیں نکالیں گے ،اسدعمر

اسلام آباد...وفاقی وزیر خزانہ اسد عمر نے کہا ہے کہ و زیر اعظم عمران خان نے منی لانڈرنگ سے باہر بھیجی گئی دولت واپس لانے کا حکم دیاہے۔ حتمی طور پر نہیں پتہ سوئس بینکوں میں پاکستا نیوں کی کتنی ناجائز دولت پڑی ہے ۔ دبئی میں پاکستانیوں کی 8ارب ڈالر کی جائیدادیں موجود ہیں۔ اسلام آباد میں میڈیاسے گفتگو کرتے ہوئے اسد عمر نے کہا کہ و زیر اعظم ہاوس میں 500 ملازمین تھے ۔ انہیں بے روزگار نہیں کریں گے ۔ اب وہ عوامی خدمت پر مامور ہونگے ۔ پی آئی اے اور پاکستان اسٹیل مل سمیت کسی ادارے سے ملازمین کو نکالا نہیں جائے گا۔ اسد عمر نے کہا کہ اسحٰق ڈار نے پا کستانیوں کے 200ارب ڈالر سوئس بینکوں  میں ہونے کا دعوی کیا تھا لیکن اسے واپس لانے کے لئے کوئی پیش رفت نہیں کی۔ اسد عمر نے کہا کہ دبئی میں پاکستانیوں کی 8ارب ڈالر کی جا ئیدادیں جو زیادہ تر چوری کے پیسے سے بنائی گئی ہے ۔ بیرون ملک سے پیسہ واپس لانا حکومت کی پہلی ترجیح ہوگی ۔ انہوں نے کہا کہ سابق حکومت کی معاشی پالیسیاں ناکا م ہو چکی ہیں ریاستی اداروں کو مفلوج کردیا گیا۔ غیر فعال ادراوں کو فعال بنایا جائے گا۔