برطانیہ میں دہشتگردی کی مذمت

ریاض ... سعودی عرب نے برطانوی پارلیمنٹ کے قریب راہگیروں اور موٹر سائیکل سواروں کے کچلنے کے واقعہ کی مذمت کردی۔ برطانوی حکام کا کہناہے کہ مذکورہ حملہ دہشتگردی کا ممکنہ عمل ہوسکتا ہے۔ اس حملے میں 3افراد زخمی ہوگئے۔ سعودی دفتر خارجہ کے عہدیدار نے واضح کیا کہ برطانوی حکام نے اس حوالے سے جو اقدامات کئے ہیں سعودی عرب انکی حمایت کرتا ہے۔ سعودی عرب زخمیوں کی فوری شفا کا آرزو مند ہے۔