مدینہ پاسپورٹ دفتر عید پر کھلا رہیگا

مدینہ منورہ .... یہاں محکمہ پاسپورٹ کا دفتر عید الاضحی کی تعطیلات کے دوران کام کرتا رہیگا۔ محکمے کے ڈائریکٹر میجر جنرل خالد الھویش نے یہ اطلاع دیتے ہوئے واضح کیا کہ ہنگامی اور ضرو ری معاملات عید الاضحی کی تعطیلات کے دوران بھی وصول کئے جائیں گے اور انہیں حل کیا جائیگا۔ دفتر صبح 8بجے سے دوپہر ڈھائی بجے تک کھلا رہیگا۔ مقامی شہری اور مقیم غیر ملکی ابشر اور مقیم کے توسط سے بیشتر خدمات جوازات سے رجوع کئے بغیر حاصل کرسکتے ہیں۔