نواز شریف کی احتساب عدالت میں پیشی

اسلام آباد.... العزیزیہ اور فلیگ شپ ریفرنس کی سماعت کے سلسلے میں سابق وزیراعظم نوازشریف کو انتہائی سخت سیکیورٹی میں احتساب عدالت لایا گیا۔سابق وزیراعظم نوازشریف کے خلاف العزیزیہ اور فلیگ شپ ریفرنسز کی سماعت احتساب عدالت کے جج ملک ارشد نے کی۔سابق وزیراعظم کو اڈیالہ جیل سے انتہائی سخت سیکیورٹی میں بکتر بند کے ذریعے عدالت لایا گیا میڈیا کو بھی قریب آنے کی اجازت نہیں دی گئی۔ڈپٹی کمشنر کی ہدایت پر صحافیوں اور سیاسی رہنماوں کو احتساب عدالت میں جانے سے روک دیا گیا ۔پراسیکیوشن کے گواہ واجد ضیاءاور نیب ٹیم بھی ریکارڈ لےکراحتساب عدالت پہنچی۔نوازشریف کو مختصر سماعت کے بعد واپس اڈیالہ جیل روانہ کردیا گیا۔عدالت نے دونوں ریفرنسز کی مزید سماعت بدھ تک ملتوی کردی۔