دوبارہ گنتی میں تحریک انصاف کے رہنما شاہ فرمان کو شکست

پشاور...خیبرپختونخوا حلقہ پی کے 70 پشاور 5 میں ووٹوں کی دوبارہ گنتی میں اے این پی کے امیدوار کامیاب ہوگئے۔ خوش دل خان کو 187 ووٹوں سے کامیابی ملی۔ تحریک انصاف کے رہنما اور وزارت اعلی کے مضبوط امیدوار شاہ فرمان کو شکست کا سامنا کرنا پڑا۔ شاہ فرمان نے اس نشست پر47 ووٹوں سے کامیابی حاصل کی تھی۔ دوبارہ گنتی میں ان کے ووٹوں کی تعداد کم ہوگئی ۔خوش دل خان کی کامیابی سے خیبرپختونخوا اسمبلی میں اے این پی کی نشستوں کی تعداد 7 ہوگئی۔واضح رہے کہ شاہ فرمان نے پی کے 71 پشاور 6 سے بھی ا لیکشن لڑا تھا، وہاں سے کامیاب قرار پائے۔