شوکت عزیز کے خلاف کرپشن ریفرنس دائر کرنے کی منظوری
اسلام آباد...نیب راولپنڈی نے سابق وزیراعظم شوکت عزیز کےخلاف کرپشن ریفرنس دائر کرنے کی منظوری دے دی۔نیب اعلامئے کے مطابق سابق وزیراعظم شوکت عزیز کے خلاف کرپشن کے ریفرنس میں سابق وزیر پانی بجلی لیاقت جتوئی کو بھی شریک ملزم نامزد کیا گیا ہے۔اسابق وفاقی سیکریٹری اسماعیل قریشی، یوسف میمن اور ڈاکٹر نسیم اے خان بھی ریفرنس میں شریک ملزمان ہیں۔ ملزمان پر قواعد کے خلاف بشارت حسن بشیر کو کنسلٹنٹ تعینات کرنے کا الزام ہے ،بشارت حسن نے مدت پوری ہونے کے باوجود 5 سال تک کنسلٹنٹ کا عہدہ نہیں چھوڑا تھا ۔
