الیکشن کمیشن نے گورنر سندھ کا بیان مسترد کردیا
اسلام آباد.. الیکشن کمیشن نے دھاندلی کے حوالے سے مستعفی گورنر سندھ محمد زبیر کے بیان کو افسوسناک قرار دیتے ہوئے مسترد کر دیا ۔الیکشن کمیشن کے ترجمان کی جانب سے جاری بیان میں کہا گیا کہ مستعفی گورنرکاانتخابات میں دھاندلی سے متعلق بیان حقائق کے برعکس اور افسوسناک ہے۔ ترجمان کے مطابق گورنرکے عہدے پربراجمان ہونے کے باوجودانتخابی عمل سے ان کی لاعلمی باعث حیرت ہے۔ مستعفی گورنرسندھ عہد ہ چھوڑنے کی اصل وجوہ قوم کوبہتربتاسکتے ہیں۔
