ظہور نیازی کا بیٹا احمد انس انتقال کر گیا

جدہ .... جنگ لندن کے سابق ایڈیٹر ظہور نیازی کے بیٹے اور جیو نیوز لندن کے سعید نیازی کے بھتیجے احمد انس کاانتقال ہوگیا۔ لندن میں تجہیز و تکفین اور نماز جنازہ ادا کی گئی۔ کشمیری اور پاکستانی کمیونٹی نے بڑی تعداد میں شرکت کی۔ پاکستانی جرنلسٹ فورم جدہ نے تعزیتی اجلاس منعقدکرکے احمد انس کی مغفرت ، درجات کی بلندی اور لواحقین کے لئے صبر جمیل کی دعا کی۔ اجلاس میں فورم کے عہدیدا ر اور اراکین شریک ہوئے۔ انہوں نے ظہور نیازی اور سعید نیازی سے اظہار تعزیت بھی کیا۔