الجوف میں عظیم الشان فوارے کا افتتاح

الجوف ...گورنر الجوف شہزادہ بدر بن سلطان نے دومتہ الجندل میں شمالی سعودی عرب کے سب سے بڑے فوارے کا افتتاح کردیا۔ انہوں نے امیر فہد بن بدر کلچرل سینٹر کا بھی افتتاح کیا۔ اس موقع پر میئر الجوف درویش الغامدی اور دیگر عہدیدار بھی موجود تھے۔ سینٹر 1300مربع میٹر کے پلاٹ پر بنایا گیا ہے۔ اسکے سامنے 53300مربع میٹر کا پارک بھی ہے۔ فوارہ شمالی مملکت کا سب سے بڑا ہے۔ یہ 20میٹر اونچا ہے۔ رنگ برنگے قمقموں سے آراستہ ہے، متحرک ہے۔ 3200مربع میٹر کے رقبے میں قائم کیا گیا ہے۔