پاکستان جرنلسٹ فورم کے تحت ساویز علی کے اعزاز میں تقریب
ظہرانہ میں پریس قونصلر ارشد منیر کے علاوہ مقامی صحافیوں کی شرکت
جدہ (جاوید راہو) - - - - سعودی عرب کی میڈ یا وزراء کانفرنس جدہ میں شرکت کرنے کے لیے آئے ہوے بول ٹیلی وژن کے ڈائریکٹر انٹرنیشنل افیئرز ساویز علی کے اعزاز میں پاکستان جرنلسٹ فورم کے چیئرمین امیر محمد خان نے مقامی ہوٹل ایک ظہرانہ کا اہتمام کیا جس میں تمام ارکان نے شرکت کی۔ظہرانہ میں خصوصی طور پر پاکستان قونصلیٹ کے پریس قونصلر ارشد منیر نے شرکت کی۔
پاکستان جرنلسٹ فورم نے بول کی پیشہ وارانہ صلاحیتوں اور میڈیا ورکرز کے طرز زندگی اور ورکنگ انوائر نمنٹ کو بہتر بنانے پر بول ٹی وی کو خراج تحسین پیش کیا۔ اس موقع پر چیئر مین جرنلسٹ فورم امیر محمد خان نے ساویز علی کا خصوصی شکریہ ادا کیا۔فورم کے تمام دوستوں کا بھی شکریہ ادا کیا ۔
ساویز علی نے کانفرنس میں سعودی عرب کے وزیر اطلاعات ونشریات سے ہونے والی ملاقات اور انتخابات کے بعد دورہ پاکستان کے بارے تفصیل سے بتایا۔ انہوں نے پاک سعودی تعلقات کی مضبوطی کیلئے جرنلسٹ فورم کی تجربہ کا صحافت اورچایماندرآنہ کاوشوں کو سراہا اور پاکستان جرنلسٹ فورم کاشکریہ ادا کیا اور نیک تمناؤں کا اظہار کیا۔
