جرمنی میں مزدور کی اجرت بڑھانے کا اعلان

برلن ۔۔۔جرمنی نے آئندہ2 سال کے دوران مزدوروں کی کم از کم اجرت میں اضافے کا اعلان کردیا۔ کم از کم اجرت  بڑھا کر 2020 ء تک 9.19  یورو فی گھنٹہ کردی جائیگی۔ وزارت محنت کی جانب سے جاری بیان میں کہا گیا ہے کہ حکومت مزدوروں کی اجرت  میں خاطر خواہ اضافے کا منصوبہ رکھتی ہے جس کے تحت اسے بڑھا کر 9.19 یورو (10.74  ڈالر) فی گھنٹہ کردیا جائیگا۔انھوں نے کہا کہ چانسلر انجیلا مرکل کی انتظامیہ نے  2015 ء میں کم از کم اجرت 8.50  یورو فی گھنٹہ مقرر کی تھی، اس کے بعد 2017 ء میں فی گھنٹہ اجرت بڑھا کر 8.84  یورو کی گئی جسے اب 9.19  یورو فی گھنٹہ کرنے کا فیصلہ کیا گیا ہے۔