عمران خان کی کاغذات مسترد کئے جانے کیخلاف اپیل

اسلام آباد ... تحریک انصاف کے چیئرمین تحریک انصاف عمران خان نے این اے 53 سے کاغذات نامزدگی مسترد کئے جانے کے ریٹرننگ افسر کے فیصلے کے خلاف اپیلیٹ ٹریبونل میں اپیل دائر کردی۔ جمعرات کو اپیلٹ ٹربیونل اپیل کی سماعت کریگا ۔بابر اعوان ایڈووکیٹ کے ذریعے دائر کی گئی اپیل میں موقف اختیار کیا گیا کہ اسلام آباد کے حلقہ این اے 53 میں ریٹرننگ افسر کا فیصلہ آئین سے متصادم ہے۔درخواست میں کہا گیا کہ عمران خان سب سے بڑی سیاسی جماعت کے چیئرمین ہیں جو عوام کے بنیادی حقوق کے لئے جدوجہد کر رہے ہیں ۔ ان کے کاغذات نامزدگی کمزور بنیاد پر مسترد کئے گئے۔رجسٹرار آفس کے مطابق اسلام آباد ہائیکورٹ کے جسٹس محسن اختر کیانی جمعرات کوعمران خان کی درخواست پر سماعت کریں گے۔

مزید پڑھیں:عمران خان کا نگراں وزیر اعظم کو ایک اور خط