سابق وزیر اعظم اٹل بہاری واجپئی کی حالت بہتر
نئی دہلی۔۔۔۔سابق وزیر اعظم اٹل بہاری واجپئی کی طبیعت اب بہتر ہے،انہیںحالت خراب ہونے کے بعد علاج و معالجہ کیلئے ایمس میں داخل کرایا گیا تھا ۔ ایمس کی جانب سے جاری بیان کے مطابق واجپئی کی حالت بہتر ہے۔انہیں اینٹی بایوٹکس پر رکھا گیا ہے تاہم ان کا یورین انفیکشن کنٹرول سے باہر ہے۔ ایمس کے ڈائریکٹر ڈاکٹر رندیپ گلوریا کی نگرانی میں ڈاکٹروں کی ٹیم ان کی دیکھ بھا ل کررہی ہے۔ 94سالہ واجپئی طویل عرصے سے علیل اور سیاست کی دنیا سے دور ہیں۔
