افسران کے تقرر وتبادلے عدالتی فیصلے سے مشروط

لاہور... سپریم کورٹ نے الیکشن کمیشن کی جانب بھرتیوں پر پابندی کیس کی سماعت کرتے ہوئے چاروں صوبوں میں ایک ماہ کے دوران کئے گئے افسران کے تبادلوں کو عدالتی فیصلے سے مشروط کر دیا۔ چیف جسٹس کی سربراہی میں بنچ نے کیس کی سماعت کی۔چیف جسٹس ثاقب نثار نے ریمارکس دیئے کہ وزیر اعلیٰ پنجاب کے دفتر کے لوگوں کو اہم عہدوں پر تعینات کیا جارہا ہے۔حکومت کو جاتے جاتے یہ تبادلے کرنے کی کیا ضرورت تھی ۔یہ کام نگران حکومت یا الیکشن کمیشن بھی کر سکتا تھا ۔عدالت نے قرار دیا کہ ایسے تمام تبادلوں کا جائزہ لے کر فیصلہ کیا جائے گا۔چیف جسٹس نے تمام صوبائی حکومتوں کو پچھلے ایک ماہ میں گریڈ 17اور اس سے اوپر کے افسران کے تقرر و تبادلوں کی تفصیلی رپورٹ پیش کرنے کا حکم دیتے ہوئے ا نہیں عدالتی فیصلے سے مشروط کر دیا۔

مزید پڑھیں:آمدن ظاہر کرنے پر نااہل نہیں کرسکتے،سپریم کورٹ