امریکی، شمالی کوریائی سربراہ اجلاس کیلئے جنوبی کوریا ثالثی کے لیے تیار

سیئول۔۔۔ جنوبی کوریا نے کہا ہے کہ امریکی، شمالی کوریائی سربراہ اجلاس کے انعقاد کے سلسلے میں پیدا شدہ رکاوٹوں کو ختم کرنے کے لیے ثالثی پر تیار ہے۔ سیئول حکومت نے یہ بیان شمالی کوریا کی جانب سے سنگاپور میں ہونے والی اس اجلاس سے علیحدگی اختیار کرنے کی دھمکی کے تناظر میں جاری کیا ہے۔ دوسری جانب شمالی کوریا نے واضح کیا ہے کہ وہ سیئول حکومت کے ساتھ اس وقت تک کسی مذاکراتی عمل میں شامل نہیں ہو گا جب تک متنازعہ معاملات کو حل کرنے کی عملی کوششیں نہیں کی جائیں گی۔