فری اسٹائل موٹرسائیکل ریس جرمن کھلاڑی کے نام

مانہایم، جرمنی:دنیا میں بہت سے لوگ موٹر سائیکل چلانے کے منفرد اور خطرناک طریقے اپناتے ہیں۔ جرمنی کے شہر مانہایم میں بھی مختلف ممالک سے آئے ماہر موٹر سائیکل سواروں کے درمیان فری اسٹائل یورپین چیمپیئن شپ کا انعقاد کیا گیا۔ مقابلے میں شریک 10ماہربائیک سوار وں نے ریمپ کے ذریعے فضا  میں ایسے شاندار اورحیرت انگیز کرتب کا مظاہرہ کیا کہ دیکھنے والے دنگ رہ گئے۔اس موقع پربائیک سواروں کے خطرناک ترین کرتب دیکھنے کیلئے ہزاروں کی تعداد میں شائقین جمع ہوگئے اور بائیک سواروں کو ان کی مہارت کی خوب داد دی۔ جرمنی کے ایکرمین نے ایونٹ میں پہلی پوزیشن حاصل کی۔