کراچی میں جماعت اسلامی کی ہڑتال اور مظاہرے

کراچی ... کراچی میں میں بجلی و پانی کی عدم فراہمی کے خلاف جماعت اسلامی کی جانب سے جمعہ کو ہڑتال کی گئی۔ کارکنوں نے شہر کے کئی علاقوں میں دھرنے دیئے۔ متعدد مقامات پر نامعلوم افراد نے زبردستی کاروبار بند کرانے کی کوشش بھی کی۔ ہڑتال اور دھرنوں کے باعث سڑکوں پر پبلک ٹرانسپورٹ معمول سے قدرے کم رہی ۔شہریوں کو آمدورفت میں مشکلات کا سامنا کرنا پڑا۔بعد ازاں امیر جماعت اسلامی کراچی حافظ نعیم الرحمان نے پریس کانفرنس کے دوران کہا کہ کے الیکٹرک کی ناجائز بلنگ اور لوڈ شیڈنگ عوام کے ساتھ ظلم و زیادتی ہے۔ وزیر اعظم نے کے الیکٹرک کی حمایت کی۔ شہر میں پانی کی بدترین صورتحال ہے۔ ایک کروڑ افراد ایک ماہ سے پانی سے محروم ہیں۔ واٹر بورڈ کا پورا سسٹم سیاسی بھرتیوں سے برباد ہوگیا ۔بجلی اور پانی کی صورتحال پر جماعت اسلامی کی جدوجہد جاری ہے۔ اس پورے عمل کو عوامی پذیرائی حاصل رہی ہے۔انہوں نے کہا کہ ہڑتال شہریوں کا جمہوری حق ہے۔ اس شہر میں ماضی میں ہڑتالوں میں لوگ مارے جاتے تھے۔ پر امن ہڑتال کا نیا سیاسی کلچر متعارف کرایا ہے۔کے الیکٹرک کی جان کسی صورت نہیں چھوڑیں گے۔ اس احتجاج کے دائرے کو وسیع کرنے جارہے ہیں۔ 

مزید پڑھیں:کراچی پیکیج میں کیا ہے؟