برسلز ۔۔۔ مغربی دفاعی اتحاد نیٹو کے سربراہ ژینس اسٹولٹن برگ نے کہا ہے کہ افغانستان میں عام انتخابات کے دوران سلامتی کی صورتحال کو بہتر بنانے کے لیے معاونت اور مدد کی جا سکتی ہے۔ نیٹو کے سیکریٹری جنرل نے مزید یہ بھی کہا ہے کہ ان کے ادارے کا اولین مقصد انتخابی عمل کو محفوظ بنانا ہے۔ نیٹو کے سیکریٹری جنرل کی جانب سے افغان حکام کی معاونت کرنے کا یہ بیان افغانستان میں مغربی دفاعی اتحاد کے جنگی مشن کے ختم ہونے کے3 برسوں بعد سامنے آیا ہے۔
