مملکت:دہشتگردی کے مخالف ممالک میں سرفہرست
پیرس۔۔۔۔سعودی وزیر خارجہ عادل الجبیر نے واضح کیا ہے کہ سعودی عرب دہشگردگی سے نمٹنے اور اس کی فنڈنگ بند کرانے کیلئے موثر بین الاقوامی اقدام کا مطالبہ کرچکا ہے۔ سعودی عرب پہلا ملک ہے جس نے دہشتگردی سے نمٹنے کیلئے 2005ء میں پہلی بین الاقوامی کانفرنس کی میزبانی کی تھی۔ وہ پیرس میں منعقدہ انسداد دہشتگردی عالمی کانفرنس سے خطاب کررہے تھے۔ الجبیر نے واضح کیا کہ مملکت دہشتگردی کی فنڈنگ کی نگرانی کے سلسلے میں موثر کردار ادا کررہی ہے۔ انہوں نے دہشتگردی کیخلاف سعودی عرب کے متعدد اقدامات کا تعارف کرایا ۔
