دوسری شادی کرنے پر شوہر کو حوالات کی ہوا کھانی پڑی
جمعرات 19 اپریل 2018 3:00
نالندہ۔۔۔۔۔بیماری کے نام پر پہلی بیوی کو چھوڑ کر دوسری شادی کرنے کے الزام میں شوہر کو حوالات کی ہوا کھانی پڑی۔ ذرائع کے مطابق تھرتھری تھانہ کے علاقہ ولی بگہا گاؤں کی رہنے والی سدھا کماری کی شادی مینا بازار گاؤں کے ششی کمار یادو سے چندسال قبل ہوئی تھی ۔بچے کی پیدائش کے بعدصحت ناساز ہونے کی وجہ سے شوہر اور سسرال والوں نے تنگ کرنا شروع کردیا۔ اس دوران شوہر ششی کمار نے پٹنہ کے بھیرگاؤ کی رہنے والی رینا کماری سے دوسری شادی کرلی۔شادی کی اطلاع ملنے پر پہلی بیوی نے شوہر اور سسرالیوں کیخلاف ہلسا تھانے میں ایف آئی آر درج کرادی۔پولیس نے فوراً کارروائی کرتے ہوئے سسر اور شوہر کو گرفتار کرکے جیل بھیج دیا۔
