خادم حسین رضوی کیخلاف مقدمات کی سماعت روکدی گئی
اسلام آباد...انسداد دہشت گردی عدالت نے پراسیکیوٹر پنجاب کی درخواست پر تحریک لبیک کے قائد خادم حسین رضوی اور دیگرکے خلاف3 مقدمات کی سماعت غیرمعینہ مدت تک ملتوی کردی۔ اسلام آباد کی انسدادِ دہشت گردی عدالت میں تحریک لبیک کے قائد خادم حسین رضوی اور دیگر کے خلاف کیس کی سماعت کے دوران پولیس نے رپورٹ میں موقف اختیار کیا کہ مقدمات کی نئے سرے سے تحقیقات کی جارہی ہے۔ دوبارہ چالان جمع کرایا جائے گا۔پراسیکیوٹر نے عدالت سے استدعا کی کہ نیا چالان جمع کرائے جانے تک کیس کی سماعت نہ کی جائے۔عدالت نے استغاثہ کی استدعا پر مقدمات پر مزید کارروائی روکتے ہوئے خادم حسین رضوی اور دیگر کے خلاف 3 مقدمات کو داخل دفتر کردیا۔
