اوورسیز پاکستانی آن لائن ووٹ ڈال سکیں گے؟
جمعرات 12 اپریل 2018 3:00
اسلام آباد... نادرا نے بیرون ملک مقیم پاکستانیوں کے لئے ووٹ ڈالنے کا نیا آن لائن سسٹم تیار کرلیا ۔چیئرمین نادرا عثمان مبین نے سپریم کورٹ میں بیرون ملک مقیم پاکستانیوں کو ووٹ کی سہولت سے متعلق کیس کی سماعت سے متعلق بریفنگ دی۔بریفنگ کے دوران بتایا گیا کہ آن لائن ووٹنگ سسٹم نادرا اور الیکشن کمیشن کی ویب سائٹس سے منسلک ہوگا ووٹر کی سہولت کے لئے سافٹ وئیر اردواور انگلش میں تیار کیاگیاہے۔ووٹر کو حق رائے دہی استعمال کرنے سے قبل مخصوص سوالات کے جوابات دینا ہوں گے۔ ہر ووٹر کو ووٹ ڈالنے کے لئے پاس ورڈ ملے گا جو صرف ایک مرتبہ استعمال ہوسکے گا۔
