گوگل کمپنی پکسل فون کا سستا ماڈل متعارف کرائے گی
گوگل کمپنی کے پکسل اسمارٹ فونز کو بہترین اینڈرائیڈ ڈیوائس سمجھا جاتا ہے تاہم ان کی بھاری قیمتوں کے باعث سب اکثر صارفین اس کی خواہش رکھنے کے باوجود خریدنے کی سکت نہیں رکھتے۔ کمپنی نے اب ترقی پذیر ممالک مثلاً پاکستان اور انڈیا کے صارفین کے لیے سستا پکسل فون متعارف کرانے کا اعلان کیا ہے۔ گوگل اس فون کو رواں سال جولائی یا اگست میں متعارف کرائے گا۔ گوگل گزشتہ سال صرف 39 لاکھ پکسل فون فروخت کر پایا تھا تاہم کمپنی کو اب امید ہے کہ سستے پکسل فون سے گوگل کے اینڈرائیڈ ڈیوائسز کی فروخت میں اضافہ ہوگا۔ فون سے متعلق تفصیلات اگلے ماہ گوگل کے آئی او ڈویلپر کانفرنس میں سامنے آنے کا امکان ہے۔
