کینسر کے علاج کیلئے لندن گیا، شہباز شریف

لاہور ... وزیراعلیٰ پنجاب شہباز شریف 11روزہ دورے کے بعد لندن سے لاہور پہنچ گئے۔ طبی معائنے کیلئے گئے تھے۔ میڈیا سے گفتگو کرتے ہوئے شہباز شریف نے کہا کہ الیکشن قوم کی توقع اور ضرورت ہے۔ 22کروڑ عوام کی ترقی اور خوشحالی کا راز الیکشن میں ہے۔ انہوں نے کہا کہ لیڈر قوم سے سچ کی توقع رکھتی ہے، جھوٹ کی نہیں۔ میڈیکل چیک اپ کیلئے لندن آیا تھا۔ 2آفیشل میٹنگز بھی ہوئی ہیں۔شہباز شریف نے کہا کہ عمران خان الزام لگاتے ہیں کہ میں بیرون ملک جا کر چیک اپ کراتا ہوں۔ جلا وطنی میں مجھے اپنڈکس کا کینسر ہواتھا۔ سعودی عرب سے امریکہ گیا جہاں میجر سرجری ہوئی۔ آپریشن کے بعد میں 2003 کے اواخر اور 2004 کے اوائل میں امریکہ سے لندن شفٹ ہوا۔ لندن میں اپنے معالج سے علاج کراتا رہا۔ معالج کے پاس میرے موذی مرض کی ہسٹری ہے ۔ عمران خان کو کچھ خیال ہونا چاہیے کچھ احساس ہونا چاہیے ۔ انہوںنے کہا کہ قوم کو سیاسی قیادت، اشرافیہ، ریاستی اداروں اور عدلیہ سے توقعات ہیں۔

مزید پڑھیں:عدلیہ سیاستدانوں کو کام کرنے دے ،بلاول